ჭადრაკი

15:16 | 30.09.2018 | ნანახია [] - ჯერ

რა მნიშვნელობა აქვს ჭადრაკს საქართველოსთვის?

მათ სჯეროდათ, რომ ქალებს უნდა განევითარებინათ განსაკუთრებული ინტელექტი. ეს ფაქტი ისტორიულად დადასტურებულია „პრინცესების მზითევის“ წიგნებით.

XVII საუკუნის ცნობილმა იტალიელმა მისიონერმა არქანჯელო ლამბერტიმ თავის წიგნში საქართველო ასე აღწერა: „ჭადრაკი ქალებს მეტად უყვართ და გაოცდებით, რომ ნახოთ როგორი უნარები აქვთ.“ XIX საუკუნეში ჭადრაკი პოპულარული იყო არისტოკრატების ოჯახებში. ყველაზე ცნობილი იყო სამეგრელოს დედოფლის ოჯახი, სადაც აღიზარდა პირველი ქართველი მოჭადრაკე, ანდრია დადიანი, რომელმაც ევროპაში გაითქვა სახელი.

მაგრამ ეს იყო გასული საუკუნის 60-იანი წლები, როდესაც ნონა გაფრინდაშვილმა მოიპოვა მსოფლიო ჩემპიონის ტიტული, რამაც ჭადრაკი ძალიან პოპულარული გახადა საქართველოში. ნონა გახდა გამარჯვების სიმბოლო - ეს მნიშვნელოვანი იყო პატარა ქვეყნისთვის, რომელსაც სურდა აღიარება მსოფლიოსგან.

რა მნიშვნელობა აქვს ოლიმპიადას ბათუმისთვის?

ჩემს პირველ ოლიმპიადაზე თითქმის ნახევარი საუკუნის წინ ვითამაშე 1969-ში. ჭადრაკი პოპულარული იყო, მაგრამ კომპიუტერული ეპოქა ჯერ კიდევ შორს იყო. დღეს, როდესაც მილიონობით ჭადრაკის მოყვარული უყურებს ოლიმპიადას პირდაპირ ეთერში, ძალიან კარგი შესაძლებლობაა მსოფლიოს გავაცნოთ ჩვენი ქვეყანა, მისი ისტორია და კულტურა. გახსნის ცერემონიამ ბათუმში ეს კარგად მოახერხა.

ორი კვირის განმავლობაში საქართველო და ბათუმი მილიონობით ადამიანის ყურადღების ცენტრში მოექცევა და გაიგებენ უფრო მეტს ოქროს საწმისისა და მედეას, კლასიკური მითოლოგიის ჯადოქრის ქვეყნის შესახებ. შეისწავლიან უფრო მეტს საქართველოზე - ღვინის აკვანზე. საქართველო - ადგილი სადაც ევრაზიაში პირველი უძველესი ადამიანის თავის ქალა აღმოაჩინეს. გაიგებენ უფრო მეტს ნონა გაფრინდაშვილისა და მაია ჩიბურდანიძის სამშობლოს შესახებ - ორი ჭადრაკის ლეგენდა, რომლებმაც შეინარჩუნეს მსოფლიო ჩემპიონის ტიტული 3 ათწლეულის განმავლობაში და დაიწყეს ახალი ეპოქა ქალების ჭადრაკისა.

ნანა ალექსანდრია

Loading...
0.118928