ფეხბურთი

1:27 | 28.09.2018 | ნანახია [] - ჯერ

"მილანიდან" "მილანამდე" - მჭედლიძე მოპოვებული პენალტით დაბრუნდა (+VIDEO)

"მილანიდან" "მილანამდე, გოლიდან - მოპოვებულ პენალტამდე. "ემპოლის" მოთამაშე ლევან მჭედლიძე 2017 წლის აპრილის შემდეგ სერია A-ში დაბრუნდა და შეიძლება ითქვას დიდებულადაც. ქართველი 66-ე წუთზე ჩაერთო თამაშში, როდესაც მისი გუნდი 0:1 მარცხდებოდა, თუმცა, ზუსტად 2 წუთში ყველაფერი შეიცვალა.

ალესიო რომანიოლის უხეში შეცდომის შემდეგ მჭედლიძემ ბურთი მეტოქის საჯარიმოში მოიხელთა, "მილანის" კაპიტანს გასცდა კიდეც და რომანიოლის ისღა დარჩენოდა, მისთვის ფეხი დაედო. შედეგად, პენალტი, რომელიც კაპუტომ გოლად აქცია და საბოლოო ანგარიში დააფიქსირა - 1:1. აღსანიშნავია, რომ სტადიონზე შეკრებილი პუბლიკა ქართველი ფორვრდის მინდროზე გამოჩენას დიდი ოვაციებით შეეგება.

მოკლედ, ლევანის დაბრუნება ჩინებული გამოვიდა და საერთოდაც, გამომუშავებულ პენალტს რომ თავი დავანებოთ, ჩვენებური თამაშში კარგად ჩაერთო და თავისი გუნდის შეტევები გამოაცოცხლა.

აქვე გეტყვით, რომ 2017 წლის აპრილში მჭედლიძემ "მილანს" "სან სიროზე" გაუტანა და იმავე შეხვედრაში უმძიმესი ტრავმა მიიღო, რის გამოც წელიწადნახევარი გაუცდა.

0.149354