ფეხბურთი

12:03 | 22.09.2018 | ნანახია [] - ჯერ

ლუკა ზარანდია პოლონეთში - დრიბლინგები და საგოლე პასი (+VIDEO)

პოლონეთის ექსტრაკლასაში წარმატებულ თამაშს აგრძელებს ლუკა ზარანდია. ქართველმა შემტევმა მორიგი კარგი და ნაყოფიერი შეხვედრა პოზნანის „ლეხის“ წინააღმდეგ ჩაატარა, რომელიც „არკამ“ 1:0 მოიგო.

ეს ერთადერთი გოლი სწორედ ქართველმა შექმნა. ზარანდია ორ მეტოქეს გაექცა და მიხალ იანოტას ისეთი პასი გაუკეთა, გატანის მეტი არაფერი რომ არ დარჩენოდა. საგოლე პასის გარდა, ჩვენებური მთელი თამაში გამორჩეული იყო მინდორზე და გოლის გატანა თავადაც შეეძლო, მცველმა გამოიტანა კარის ხაზიდან.

ლუკა აღნიშნულ შეხვედრაში 90-ე წუთზე შეცვალეს, ხოლო „არკას“ 9 ტურის თავზე 10 ქულით მეათე ადგილი უკავია.

ნამატჩევს ზარანდიამ კომენტარი გააკეთა:

„ამ გამარჯვებას დიდი ხანი ველოდებოდით. საკუთარ მოედანზე კარგი თამაშები ჩავატარეთ აქამდეც, მაგრამ გამარჯვებას ვერ ვახერხებდით. იმედია, ეს სამი ქულა წარმატების საწინდარი იქნება. შესანიშნავი იქნება თუ საშინაო გამარჯვებების სერიას მოვაწყობთ.

მომდევნო თამაში „ლეგიასთან“ გვაქვს, რომელიც პოლონეთში ერთ-ერთი საუკეთესოა. ეს თამაში უნდა დავივიწყოთ და შემდეგი მატჩისთვის მოვემზადოთ, ჯერ თასზე და მერე ჩემპიონატში.

მიხალ იანოტას კარგად ვუგებ და ერთად თამაში გვინდა. დღეს ყველაფერი კარგად გამოვიდა, პასი მივეცი და მან გაიტანა. თუმცა, მთავარია, რომ გამარჯვება მოვიპოვეთ“, - განაცხადა ზარანდიამ.

0.150072