"დელტა" სეზონისთვის ემზადება. ზაზა ფაჩულიას აკადემიაში ფიზმომზადებით დატვირთვის შემდეგ, გუნდი გადადის დარბაზში, სადაც ახალი მწვრთნელი ლექსო ლაფანაშვილი გუნდთან ერთად რეგულარულისთვის ფორმაში შედის.
ლექსო ლაფანაშვილი: "ორშაბათს გვქონდა პირველი ვარჯიში. როგორც მოსალოდნელი იყო, ბიჭები ფორმაში არ არიან, მაგრამ ყველა მოტივირებულია. ეს მოტივაცია აუცილებელია. სრული შემადგენლობით ვერ ვვარჯიშობთ. 17-18 სექტემბერს ჩამოვლენ ლეგიონერები. უკრაინელი შვეცი, რომელიც შარშანაც "დელტაში" იყო და საკმაოდ კარგი სეზონი ჰქონდა, უკვე ჩვენთან ერთად არის. ვემზადებით. მთავარია, რომ დავიწყეთ."
