ფეხბურთი

0:23 | 4.09.2018 | ნანახია [] - ჯერ

ლიონელ მესი: "რონალდუს ნაბიჯი სიურპრიზი იყო და "რეალი" დასუსტდა"
"ჩვენი მიზანი ჩემპიონთა ლიგის მოგებაა, მთავარი კონკურენტი კი "იუვენტუსია"

კატალონიის „ბარსელონას“ კაპიტანმა ლიონელ მესიმ Radio Catalunya-ს ვრცელი და საკმაოდ საინტერესო ინტერვიუ მისცა. მესიმ ისაუბრა სამომავლო გეგმებზე, ჩემპიონთა ლიგის ახალ სეზონზე, „ბარსელონას“ მიზნებზე.

გარდა ამისა, კრიშტიანუ რონალდუს „იუვენტუსში“ გადასვლა შეაფასა და აღნიშნა, რომ პორტუგალიელის ნაბიჯით გაკვირვებული დარჩა.

კაპიტანი - „ჩემთვის დიდი პატივია, რომ „ბარსელონას“ კაპიტანი ვიყო, ეს ყველაფერს ნიშნავს. მე უკვე ვიყავი „ბარსას“ კაპიტანია დიდი ხანია, მხოლოდ სამკლავური არ მეკეთა“.

მიზანი - „ჩემპიონთა ლიგა უნდა მოვიგოთ, რადგან საოცარი გუნდი გვყავს. ვფიქრობ ამის დროც მოვიდა, ზედიზედ სამი წელია მეოთხედფინალიდან ვეთიშებით ტურნირს. აქედან, ბოლო ყველაზე საშინელი იყო. ჩვენს გუნდს შეუძლია ამ ტურნირზე გამარჯვებისთვის ბრძოლა“.

არტურო ვიდალი - „ბარსელონას“ ყოველთვის სურს მაღალი ხარისხის ფეხბურთელები. ვიდალისნაირი ფეხბურთელები გუნდისთვის აუცილებელია. ის ფიზიკურად ძალიან ძლიერია და ბევრის მიცემა შეუძლია „ბარსასთვის“.

ანტუან გრიზმანი - „ყველა ადამიანმა თავად იცის, რა არის უკეთესი მისთვის. ეს მისი გადაწყვეტილებაა და ჩვენ იმათზე უნდა ვიზრუნოთ, ვინც მოვიდნენ „ბარსელონაში“, რომ ამ სეზონში დასახულ მიზნებს მივაღწიოთ“.

„რეალი“ – „რეალი“ მსოფლიოში ერთ-ერთი საუკეთესო გუნდია და ძალიან ძლიერი ფეხბურთელები ჰყავს. თუმცა, რონალდუს წასვლით დასუსტდა, ხოლო „იუვენტუსში“ ჩემპიონთა ლიგის გამოკვეთილ ფავორიტად იქცა“.

კრიშტიანუ რონალდუ - „მოულოდნელი იყო. ვერასდროს წარმოვიდგენდი, რომ „რეალს“ დატოვებდა და „იუვენტუსში“ გადავიდოდა. ბევრ გუნდს სურდა მისი ყიდვა და „იუვეზე“ ნაკლებად იწერებოდა. გამიკვირდა, თუმცა ძალიან ძლიერ გუნდში გადავიდა“.

მომავალი - „ აქ ყველაფერი მაქვს“. 13 წლიდან „ბარსელონაში“ ვარ, მსოფლიოს საუკეთესო გუნდში, ერთ-ერთ საუკეთესო ქალაქში. ჩემი შვილები კატალონიაში დაიბადნენ და არსად წასვლა არ მინდა“.

სტატისტიკა
0.230184