ფეხბურთი

1:10 | 27.08.2018 | ნანახია [] - ჯერ

"სამტრედიამ" 6 თვის შემდეგ გამარჯვების გემო გაიხსენა

საქართველოს ეროვნული ლიგის 22-ე ტურის ორი შეხვედრა მეტად მწირი შედეგიანობით გამოირჩა. ოდენ ერთი გოლი გავიდა.

ეს გოლი კი, “სამტრედიას” წევრმა იგორ კოშმანმა გაიტანა. იმერული გუნდი უმძიმეს მდგომარეობაში მყოფ ფოთის “კოლხეთს” დაუპირისპირდა და ნანატრი გამარჯვება იზეიმა. ერთადერთი გოლი კოშმანმა 26-ე წუთზე ჯაბა ლიპარტიას კარგი გადაცემით და მეკარესთან პირისპირ გასვლის შედეგად გაიტანა. “კოლხეთი”, რომელიც მწვრთნელებს ლამის ყოველ ტურში იცვლის, ბოლო ადგილზე დარჩა. “სამტრედიამ” კი მოიგო, მაგრამ გასავარდნ ზონაშია და მისი მდგომარეობაც ძალიან რთულია. სხვათა შორის, საქართველოს 2016 წლის ჩემპიონმა პირველი ტურის შემდეგ პირველად მოიგო! იმერლებს აქამდე ბოლო და ერთადერთი შეხვედრა, თითქმის 6 თვის წინ, 5 მარტს ჰქონდათ მოგებული (“ლოკომოტივთან”)...

დღის კიდევ ერთი შეხვედრა უგოლოდ დასრულდა. გორში, “დილამ” ბოლნისის “სიონს” ვერაფერი მოუხერხა. გორელები, რომლებიც ერთი ხანობა ძალიან კარგად თამაშობდნენ, ნელ-ნელა დაღმასვლას განიცდიან. ეს ბუნებრივია, რადგან “დილას” უკვე მიჯრით 4 შეხვედრაა არ მოუგია.

22-ე ტურის ცენტრალური შეხვედრა “დინამოსა” და “ტორპედოს” შორის გადაიდო. მიზეზი ევროტურნირებზე ქუთაისელთა ასპარეზობაა.

“სამტრედია” – “კოლხეთი” 1:0 (1:0)

თბილისი, “მიხეილ მესხი 2”

“სამტრედია” (3-4-1-2): პოგორილი; გოგიაშვილი, ფატიჩი, გურული; ჩაჩუა, ენდელაძე, მამასახლისი (ფანცულაია 67), ჯგერენაია; ლიპარტია; ტუღუში, კოშმანი (ერისთავი 88)

მწვრთნელი: გიორგი ცეცაძე

“კოლხეთი” (4-4-1-1): კნიგა; კერელეიშვილი, ციკოლია, ჭეიშვილი, კაბორე, აშორტია, დოროშენკო, ტყემალაძე (ყანჩაშვილი 73), კაკულია (ძაძამია 61); გოგბერაშვილი (ჭეჭელაშვილი 73); იმნაძე

მწვრთნელი: ნუგზარ თვარაძე

გოლი: 1:0 კოშმანი (26)

გაფრთხილება: ფატიჩი (33), ენდელაძე (54), ჯგერენაია (80), პოგორილი (90) – გოგბერაშვილი (11), ტყემალაძე (56)

გაძევება: მჭედლიშვილი (90)

მსაჯი: გ. ვადაჭკორია

“დილა” – “სიონი” 0:0 (0:0)

გორი, “თენგიზ ბურჯანაძე”

“დილა” (4-3-3): გუგეშაშვილი; გრიგალაშვილი, გადრანი, ჩადუნელი, სუხიაშვილი; გოგუა (ქავთარაძე 75), ნონიკაშვილი, რაზმაძე; სამუშია (რაჟამაშვილი 46), ჯუფი (კოვტალიუკი 46), ლეანდრო რიბეირო

მწვრთნელი: რამაზ სოლოღაშვილი

“სიონი” (4-2-3-1): ზარქუა; მინდორაშვილი, ნოზაძე, გურეშიძე, გიორბელიძე; დათუნაიშვილი, ხმალაძე; კირკიტაძე, კოშკაძე (მიქაბერიძე 81), ისიანი (თომაშვილი 90); ტრეტიაკი (მახარობლიძე 46)

მწვრთნელი: თეიმურაზ შალამბერიძე

გაფრთხილება: გოგუა (51) – გიორბელიძე (40), ხმალაძე (45, 87), დათუნაშივილი (55)

გაძევება: ხმალაძე (87)

მსაჯი: გ. ყრუაშვილი

0.099979