ფეხბურთი

20:10 | 23.08.2018 | ნანახია [] - ჯერ

"რეალი" ასპასს დაიმატებს

ესპანეთის ეროვნული ნაკრების და "სელტას" თავდამსხმელი იაგო ასპასი კარიერას "რეალში" გააგრძელებს. როგორც El Chiringuito იუწყება, მადრიდელები ვიგოელებს უკვე შეუთანხმდნენ და ტრანსფერში გამოსასყიდ თანხას 40 მილიონ ევროს გადაიხდიან. ჯერჯერობით სხვა დეტალები უცნობია.

"სამეფო კლუბი" ასპასსზე მას შემდეგ გადაერთო, რაც "ვალენსიას" შემტევი როდრიგო მორენო ვერ დაიმატა. "ღამურები" 120 მილიონ ევროს ითხოვდნენ და აღნიშნული თანხის დახარჯვა "რეალმა" არ მოისურვა.

ასპასი "სელტას" აკადემიის აღზრდილია და აღნიშნული გუნდის გარდა იაგოს "ლივერპულსა" და "სევილიაში" უთამაშია. გასულ სეზონში ასპასმა 37 შეხვედრა ჩაატარა, გაიტანა 23 გოლი და ხუთი საგოლე გადაცემა შეასრულა. თავდამსხმელის სატრანსფერო ღირებულება 25 მილიონი ევროა.

0.115368