ფეხბურთი

21:00 | 12.07.2018 | ნანახია [] - ჯერ

"ჩიხურამ" "ბეითარის" დამარცხება ვერ შეძლო

საჩხერის "ჩიხურამ" ევროპა ლიგის პირველი საკვალიფიკაციო ეტაპის პირველი შეხვედრა "ბეითართან" ჩაატარა და მატჩი ფრედ 0:0 დასრულდა. ორივე გუნდს ჰქონდა ანგარიშის გახსნის შესაძლებლობა, თუმცა უნდა ითქვას, რომ მასპინძლები უფრო მეტად აქტიურობდნენ და გამარჯვება მაინც ვერ შეძლეს.

მატჩის დასაწყისში გუნდის კაპიტანმა ლაშა ჩიკვაიძემ ბურთი საჯარიმოსთან ახლოს მიიღო, ხელსაყრელ პოზიციაში იყო, თუმცა ააცილა კარს. 35-ე წუთზე კი ირაკლი ბუღრიძე საჯარიმოში ცრუ მოძრაობით შევიდა და გადაცემას აკეთებდა, თუმცა მეკარემ კარგად ითამაშა და საბოლოოდ მცველმა ბურთი კუთხურზე გადააგდო. მე-40 წუთზე ბუღრიძე მარჯვენა ფლანგზე ერთი ფეხბურთელი ჩამოიცილა შეიწია ცენტრისკენ და დარტყმაც განახორციელა, თუმცა ცენტრალურ მცველს მოხვდა ბურთი და "ბეითარი" აშკარა გოლს გადაურჩა.

მეორე ნახევარში "ბეითარს" ჰქონდა შანსი, ჯარიმის შესრულების დროს ოფირ კრიფი კარგ პოზიციაში იმყოფებოდა, თუმცა მისი თავური დარტყმა შედეგიანი არ გამოდგა, ამ მომენტში აშკარად გადარჩა "ჩიხურა". 67-ე წუთზე კი სარდალიშვილმა გაბედავასთან გაითამაშა კომბინაცია, საჯარიმოში შევიდა, თუმცა მისი დარტყმული მცველს მოხვდა ფეხზე და ანგარიშის გახსნა ვერ მოახერხა. 79-ე წუთზე კი იდან ვერედმა თითქმის თერთმეტმეტრიანის ნიშნულიდან დაარტყა, ბურთს კი "ჩიხურას" ფეხბურთელი გადაეღობა და გუნდი გადაარჩინა.

საბოლოოდ "ჩიხურამ" გამარჯვება ვერ მოახერხა, "ბეითარმა" კი უნდა ითქვას, რომ კარის მშრალად შენახვით სასურველ შედეგს მიაღწია. განმეორებითი შეხვედრა 19 ივლისს გაიმართება.

ჩიხურა - ბეითარი 0:0 (0:0)

თბილისი, "მიხეილ მესხი"

ჩიხურა: ჰამზიჩი, ჩიტეიშვილი, მირცხულავა, მაისაშვილი, ჩიკვაიძე, მარკოზაშვილი (სარდალიშვილი 57), ბუღრიძე, დობროვოლსკი (ჩიხლაძე 62), მეგრელიშვილი, გაბედავა, ლექვთაძე (ბუხაიძე 80_

მწვრთნელი: სოსო ფრუიძე

ბეითარი: ნიტზანი, ზეჰავი, კუელარი, კაჰილა, პელეგი, კრიფი, კელტიენსი, საბო, ბარიჰონი (ინბრუმი 58), სილვესტრი (ვარენი 65), ვერედი

მწვრთნელი: გაი ლუზონი

გაფრთხილება: ჩიკვაიძე (7), ჩიტეიშვილი (20), კელტიენსი (73), სიროშტენი (90+3)

სტატისტიკა - კარისკენ დარტყმა 7(1) - 5(1): ბურთის ფლობა 49%-51%: კუთხურები 4-3: თამაშგარე 0-0:

მსაჯი: კაი ერიკ სტინი

სტატისტიკა
0.259011