ფეხბურთს ემოციები ყოველთვის თან ახლავს, სიხარულს მწუხარება ანაცვლებს და პირიქით. რამდენი ფეხბურთელის ცრემლი გვინახავს წაგებული მატჩის შემდეგ, მაგრამ ურუგვაის ნაკრების მცველი ხოსე მარია ხიმენესი მაინც გამონაკლისთა შორის უნდა შევიყვანოთ.

რატომ? - ახალგაზრდა ფეხბურთელმა ცრემლები თამაშის მიმდინარეობისას ვერ შეიკავა და საფრანგეთთან (0:2) შეხვედრის დასრულებამდე რამდენიმე წუთით ადრე მარცხისგან გამოწვეული ტკივილით იტირა. ყველაფერი ფრანგთა ჯარიმის დროს დაიწყო, როდესაც ხიმენესი ცოცხალ კედელში იდგა...