ფრანგი ცენტრალური თავდამსხმელი ოდსონ ედუარი "სელტიკის" სრულუფლებიანი წევრი გახდა. როგორც შოტლანდიური კლუბის ოფიციალური ვებგვერდი იუწყება, 20 წლის მოთამაშემ გლაზგოელებთან ოთხწლიანი კონტრაქტი გააფორმა. "სელტიკმა" ფეხბურთელის სანაცვლოდ "პარი სენ ჟერმენს" 8 მილიონ გირვანქა სტერლინგზე მეტი გადაუხადა და ოდსონი კლუბის ყველაზე ძვირადღირებული მოთამაშე გახდა.

ედუარი პსჟ-ს აკადემიის აღზრდილია და ფრანგებმა თავდამსხმელი ჯერ 2016 წელს "ტულუზაში" გაანათხოვრეს, ერთი წლის შემდეგ კი - "სელტიკში". გასულ სეზონში ოდსონმა ყველა ტურნირზე 29 შეხვედრა ჩაატარა, გაიტანა 11 გოლი და ოთხი საგოლე გადაცემა შეასრულა.