ფეხბურთი

1:02 | 21.05.2018 | ნანახია [] - ჯერ

უსასრულო ინიესტა - ანდრესი "კამპ ნოუდან" გააცილეს (+VIDEO)

ანდრეს ინიესტა გააცილეს. “ბარსელონასა” და “სოსიედადის” მატჩის 82-ე წუთზე ერნესტო ვალვერდემ ლეგენდარული ფეხბურთელი შეცვალა, რომ “კამპ ნოუს” გადაჭედილი ტრიბუნებისგან კიდევ ერთხელ მიეღო დამსახურებული აპლოდისმენტები...

34 წლის ფეხბურთელი “ბარსელონაში” 1996 წელს მივიდა. ჯერ “ლა მასიას” წვერი იყო, შემდეგ მეორე გუნდში თამაშობდა, ხოლო 2002 წელს, ბელგიური “ბრიუგეს” წინააღმდეგ დებიუტიც ჰქონდა. იქედან მოყოლებული “ბარსა” და ინიესტა დაუსრულებელი ისტორია გახდა.

სწორედ ასე მიესალმა “ინის” “კამპ ნოუ”, რომლის ტრიბუნებზე გამოსახული იყო წარწერა: “უსასრულო ინიესტა”

ესპანელმა ფეხბურთელმა “ბარსას” რიგებში 669 მატჩი ჩაატარა და 57 გოლი გაიტანა. მოიგო ყველა ტიტული, რისი მოგებაც კი შესაძლებელი იყო საკლუბო დონეზე (ევროპა ლიგის გარდა). და, რაც მთავარია, მოიგო ქომაგების გული. არამარტო “ბარსელონას”, არამედ ფეხბურთის ნამდვილი გურმანების გული...

Loading...
სტატისტიკა
0.283938