კალათბურთი

10:53 | 17.04.2018 | ნანახია 183 - ჯერ

"ოლიმპმა" დიდი სხვაობით იმარჯვა

გუშინ, თბილისის ოლიმპიურ სასახლეში, საქართველოს საკალათბურთო სუპერლიგის ერთი მატჩი გაიმართა. შეხვედრის შედეგი წინდაწინ ცნობილი იყო, რადგან უპირობო აუტსაიდერი “სოხუმი”, რომელსაც მიმდინარე სეზონში მხოლოდ ერთი გამარჯვება აქვს მოპოვებული, “ოლიმპს” ხვდებოდა და დიდი სენსაცია იქნებოდა, რომ მოეგო. სენსაცია არ მომხდარა – “ოლიმპმა” მატჩი ზედმეტი გართულების გარეშე – 89:41 მოიგო.

სოხუმელებმა თამაში დალაგებულად დაიწყეს და პირველი პერიოდი 15:13 მოიგეს, თუმცა მეორე ათწუთეულში მათი დაცვა ჩამოიშალა. “ოლიმპმა” მეოთხედი 33:7 მოიგო, დიდი უპირატესობა მოიპოვა და თამაშის ბოლომდე ლიდერობას ზრდიდა.

ოლიმპელებს 25 ქულით და 8 პასით გივი ბაქრაძემ ულიდერა. 14 ქულა და 11 მოხსნა მორის ჰილმა დააგროვა, ალექსანდრე ბოლქვაძემ და გეგი ბაქრაძემ კი თავი 12-12 ქულას მოუყარეს. სოხუმელთაგან 10-ქულიანი ბარიერი მხოლოდ ახალგაზრდა, 20 წლის გიორგი ყეინაშვილმა დაძლია, რომელმაც 11 ქულა მიითვალა. ორმაგ დუბლამდე 1 ქულა დააკლდა სერგო ათუაშვილს, რომელმაც თავი 9 ქულას და 11 მოხსნას მოუყარა.

სოხუმი – ოლიმპი 41:89

gbf.ge

სარეკლამო ადგილი - 25
710 x 104
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.078161