ფეხბურთი

12:15 | 5.04.2018 | ნანახია 3203 - ჯერ

გამოკითხვა - რონალდუ, რონალდინიო, რივალდო, ზლატანი და სხვები (+VIDEO)

მადრიდის “რეალის” თავდამსხმელმა კრიშტიანუ რონალდუმ ტურინის “იუვენტუსმა” ულამაზესი, ბრწყინვალე მაკრატელა გაუტანა. ასეთი ეპიზოდები საფეხბურთო ისტორიაში სამუდამოდ მკვიდრდებიან.

საინტერესოა გავიხსენოთ რამდენიმე გამორჩეული გოლი, რომელიც სწორედ ასეთ სტილში გავიდა და გავაკეთოთ ჩვენი არჩევანი.

მაშ ასე, გამორჩეული “მაკრატელა” გოლები...

პეტერ კრაუჩი VS “ბოლტონი” და “გალათასარაი”

“ლივერპულის” ტანმაღალი ფორვარდ პეტერ კრაუჩისთვის ერთი შეხედვით ასეთ გოლების გატანა დიდი პრობლემა უნდა ყოფილიყო, მაგრამ ასე სულაც არ ყოფილა. კრაუჩმა 2006-2007 წლების სეზონში ორი მაკრატელა გაიტანა, რომლებიც ტყუპისაცლივით წააგავდა ერთმანეთს. “ბოლტონ უონდორერსთან ჯერმეინ პენანტის, ხოლო “გალათასარაისთან” სტივ ფინანის ჩაწოდება დააგვირგვინა დიდებულად.

რონალდინიო VS “ატლეტიკო” და “ვილიარეალი”

ბრაზილიელი გენიოსისთვის შეუძლებელი რა იყო? – არც არაფერი. რონალდინიოს მადრიდის “ატლეტიკოსთან” (2007-2008) და “ვილიარეალთან” (2006-2007) წლების სეზონში ორი ფანტასტიკური მაკრატელა აქვს გატანილი.

ტრევორ სინკლერი VS “ბარნსლი”

ტრევორ სინკლერმა ქპრ-ს მაისურით 1997 წელს ინგლისის ასოციაციის თასზე დაუვიწყარი გოლი “ბარნსლის” კარში გაიტანა. ნისლიან ალბიონზე ეს გოლი ალბათ დავიწყებას არც მიეცემა.

გონსალო იგუაინი VS “ფროზინონე”

შესაძლოა გაგიკვირდეთ და გონსალო იგუაინიც მოხვდა ჩვენს ჩამონათვალში. “პიპიტამ” 2016 წელს “ფროზინონეს” ულამაზესი გოლი გაუტანა. საერთოდ ის სეზონი არგენტინელმა დიდებულად ჩაატარა და იტალიის ჩემპიონატში 36 გოლი გაიტანა.

რივალდო VS “ვალენსია”

ფეხბურთის ისტორიაში ალბათ ერთ-ერთი ყველაზე დასამახსოვრებელი გოლი. რივალდომ “ვალენსიას” ბოლო წუთზე ულამაზესი, დაუჯერებელი გოლი გაუტანა, თავად ჰეთ-თრიქი შეასრულა, თავის გუნდს 3:2 მოაგებინა და ჩემპიონთა ლიგის საგზური მოუტანა. ალბათ, ეს იყო სიზმარი...

მარკო ვან ბასტენი VS “დენ ბოში”

მარკო ვან ბასტენმა ფეხბურთის ისტორიაში უდიდესი კვალი დატოვა და რა გასაკვირია, რომ მის საგოლე აქტივშიც არის ასეთი გოლი. მარკომ “აიაქსში” თამაშის დროს “დენ ბოშს” საუკუნის გოლი გაუტანა.

იური ჯორკაეფი VS “რომა”

იური ჯორკაეფი – საფრანგეთის ნაკრების ოქროს თაობის შეუცვლელი ფეხბურთელი. იურიმ 1997 წელს “ინტერის” რიგებში “რომას” დაუვიწყარი გოლი გაუტანა, რომელიც აპენინზე დღემდე ახსოვთ.

მაურო ბრეშანი VS “ბარსელონა”

შესაძლოა, მაურო ბრეშანის სახელი არაფერს გეუბნებათ, მაგრამ “ფიორენტინას” ნახევარმცველმა 1999 წელს, ჩემპიონთა ლიგაზე “ბარსელონას” 30 მეტრიდან გაუტანა მაკრატელა...

უეინ რუნი VS “მანჩესტერ სიტი”

78-ე წუთი, მანჩესტერული დერბი, 1:1... ნანი საჯარიმოში აწვდის, პასი თითქოს უმისამართოა, მაგრამ უეინ რუნიმ შეუძლებელი შეძლო და პრემიერლიგის ისტორიაში გამორჩეული გოლით დერბი “იუნაიტედს” მოაგებინა.

ზლატან იბრაჰიმოვიჩი VS ინგლისი

ზლატანი რონალდუს გოლს გამოეხმაურა და აბა, ახლა სცადე 40 მეტრიდან გაიტანეო! დიახ, იბრაჰიმოვიჩს ეს უკვე გაკეთებული აქვს, როდესაც ინგლისის ნაკრებს ფეხბურთის ისტორიაში ერთ-ერთი ყველაზე “აბსურდული” გოლი გაუტანა.

მარიო მანჯუკიჩი VS რეალი

მარიო მანჯუკიჩმა ჩემპიონთა ლიგის ფინალების ისტორიაში ერთ-ერთი საუკეთესო გოლი გამოაცხო. ეს გასულ სეზონში მოხდა, როდესაც მადრიდის “რეალის” კარი წარმოუდგენელი დარტყმით დალაშქრა.

კრიშტიანუ რონალდუ VS იუვენტუსი

კრიშტიანუ რონალდუს ულამაზეს გოლი ჩენს სიაში ყველაზე ახალია და ბუნებრივია, მისი გახსენებით თავს არ შეგაწყენთ...

გამოკითხვა
რომელია საუკეთესო მარკატელა გოლი?
ხმის მიცემა შედეგი
Loading...

კომენტარები (15)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:01 | 10.04.2018
dubligi (652)

თუ იმას გავითვალისწინებთ, რომ რა დონის თამაშში და რამდენად ფასეულია გოლი, მაშინ აქ ის გოლი საერთოდ არაა, თუმცა არც მაკრატელაა, მაგრამ მაინც....მარკო ვან ბასტენი სსრკ ევროპის ფინალი...აი გოლი))))
https://www.youtube.com/watch?v=CwqMday5sZs

08:20 | 06.04.2018
kobaSP (4479)

გადავწყვიტე დავწერო მეც. (კორბენას კომენტარმა დამაწერინა)
პირველ რიგში სალამი ყველას, ძველებს და ახლებს. გილოცავთ დღევანდელ დღეს და კარს მომდგარ ბრწყინვალე დღესასწაულს, მრავალს დაესწარით და გფარავდეთ უფალი!
მიუხედავად იმისა, რომ ყოველდღე შემოვდივარ, აღარ ვწერდი კომენტარ(ებ)ს, დღეს გადავწყვიტე დავწერო.
რივალდო. რა თქმა უნდა რივალდო! "რაღაცნაირი" გოლია. თითქოს თავდაჯერებული, 100%-იანი.

00:09 | 06.04.2018
geogreece (9768)

1 რივალდო უეჭველი და დალშე შეარჩიეთ

17:27 | 05.04.2018
lashamax (858)

წელსაც ჩაიფინა რონალდომ მესი, ვიღას ახსოვს ეგ.
ალბათ მარტო უცხოპლანეტაზე

18:01 | 05.04.2018
millllani (175)

გეთანხმები)

17:26 | 05.04.2018
babuna18 (337)

1 რივალდო რათქმაუნდა.2 რონალდინიო,ტიპმა საყრდენი ფეხით დაარტყა

15:07 | 05.04.2018
sabonis (8738)

1986 წლის მსოფლიოზე მექსიკელი ნეგრეტეს გოლი ბულგარეთთან არც ერთ ამ გოლს არ ჩამოუვარდებოდა, მარა იმ წელს ნეგრეტეს "საუბრდუროთ" მარადონამ ისეთი შეაგდო ინგლისთან ნეგრეტეს მაკრატელას ცოტა ვინმე თუ იხსენებს.DD

14:31 | 05.04.2018
lagashi (3185)

მახსოვს ვან დერ ვაარტმა აიაქსში თამაშისას გაიტანა, არ იყო მთლად მაკრატელა მაგრამ იმდენად უცნაურ სტილში გაიტანა გოლი რომ ნამდვილად ღირდა გასახსენებლად

13:54 | 05.04.2018
linkin-park (3179)

ფილიპ მექსეს მაკრატელა რატო არაა? ამ გამოკითხვაში პირველ თუ არ დაიკავებდა სამში ნაღდად მოსახვედრია ისეთი შეაგდო. რაც შეეხება ყველაზე მაგარ მაკრატელას მანჯუკიჩის იყო. ულამაზესი კომბინაცია, ისეთი რო ფრენბურთელები ხელით ვერ აკეთებენ და ბოლო ბოლო ლიგის ფინალში თან. ამაზე არავინ იდავოს.

13:52 | 05.04.2018
ოძეკი ტოჩინოშინი (6173)

1. იბრა; 2. რივალდო; 3. რონალდუ. ჩემი აზრით

13:36 | 05.04.2018
#გავკარიჩემსპრეზიდენტს (KORBEN) (13594)

რივალდოს მივეცი ხმა. შეიძლება ტექნიკურად სხვებს უფრო რთული "მაკრატელები" აქვთ გატანილი, მაგრამ ვიტორამ რაღაცნაირად აქცენტირებულად ჭედა. თითქოს იცოდა, რომ ბოლო წუთზე აესე მკერდზე აიგდებდა და "ჩერეზ სებიათი" გაიყვანდა ბარსას ლიგაზე.
მიხარია რომ ბევრი ფიქრობთ ჩემსავით.

13:13 | 05.04.2018
millllani (175)

რივალდოო(( საუკეტესო ხუთშიც კი არ შედის სირთულით. ვან ბასტენი რონალდო იბრა რონალდინიო თანაბრად მაგარი გოლებია

13:08 | 05.04.2018
რაჭა (9593)

იბრას გოლი...ისე ალბათ მარკოს გოლი სსრკს კარში

13:00 | 05.04.2018
ლორნ მალვო (40)

და ფილიპ მექსეს მაკრატელა რატო არარი შეყვანილი? ანდერლეხტთან სასწაული გოლი იყო...

12:42 | 05.04.2018
kelbo (7269)

ვაახ მესიამოვნა რო ბევრი ფიქრობს ჩემნაირად და რივალდოა პირველზე - სილამაზის გარდა მნიშვნელობითაც დიდი იყო ეგ გოლი - მაგ გოლით გაიყვანა ლიგაზე ბარსა...
მოვიდა მერე ვან გაალი და გააგდო რივალდო...

12:31 | 05.04.2018
ani-barca (328)

რივალდო და რუნი

სარეკლამო ადგილი - 20
250 x 188
სარეკლამო ადგილი - 22
250 x 250
0.094361