ტოჩინოშინის შიკონათი მოასპარეზე ლევან გორგაძემ მორიგი ტიტული მოიპოვა. ქართველმა სუმოისტმა, რომელიც ცოტა ხნის წინ „იმპერატორის თასის“ მფლობელი გახდა, ამჯერად წარმატებით იასპარეზა ფუჯის ერთდღიან ტურნირზე.
ტიტულისკენ მიმავალ გზაზე ტოჩინოშინმა მერვედფინალში ჰაკუჰოს აჯობა, გზიდან ჩამოიშორა ჰოკუტოფუჯი და ოკინოუმიც, გადამწყვეტ ბრძოლაში კი ტამავაშის გაუმკლავდა და ტურნირის გამარჯვებული გახდა.
