მარნეულის „დელტა“ „რუსთავთან“ სუპერლიგის ბოლო ტურში რამდენიმე ლიდერის გარეშე თამაშობს. ლიდერების გარეშე რთულია მოგება. „დელტა“ ელოდება ტრავმირებულების დაბრუნებას. გუნდს აკლია ორი ძირითადი ფორვარდი არტიომ შვეცი (საშუალოდ ერთ შეხვედრაში 11.4 ქულა+7.8 მოხსნა) და ჯიმ ბონდუმელი (9.7+5.2 მოხსნა). ვერ ითამაშა კიდევ ერთმა ლეგიონერმა დეანდრე რეიმ (11.3+5.0 მოხსნა). არ იყო გამთამაშებელი სოსო ლეჯავაც.

„რუსთავთან“ გუნდმა 72:86 წააგო. იყო მომენტები, როდესაც „დელტა“ 8-9 ქულამდე მიუახლოვდა მოწინააღმდეგეს და საბოლოოდ, ბევრი ტრავმირებულის ფონზე, გუნდმა საკმაოდ ნორმალურად ითამაშა.

თემურ კანკია („დელტა“, მთავარი მწვრთნელი): „სამწუხაროდ, ტრავმების გამო ნორმალურად ვარჯიშსაც ვერ ვახერხებთ. პრაქტიკულად, ნახევარი გუნდი არ გვყავს და შესაბამისად, შედეგიც სახეზეა. ველოდებით ტრავმირებულების დაბრუნებას.“