უკრაინის პრემიერლიგის მე-19 ტურში სანდრო კობახიძემ ჩინებული გოლი გაიტანა. ქართველი ფეხბურთელის გუნდმა "ვორსკლამ" სტუმრად დონეცკის "ოლიმპიკი" 4:1 დაამარცხა, შეხვედრაში ანგარიში კი კობახიძემ მე-10 წუთზე გახსნა. ქართველმა ბურთი ცენტრიდან წამოიღო და მისი შეჩერება ვეღარ მოახერხეს. მიმდინარე სეზონში სანდრომ პრემიერლიგაში 7 მატჩი ჩაატარა და 3 გოლი გაიტანა. გასულ ტურში ნახევარმცველმა ასევე ლამაზი დარტყმით აიღო "ოლექსანდრიას" კარი.