ფეხბურთი

10:52 | 16.11.2017 | ნანახია [] - ჯერ

პერუ 36 წლის შემდეგ მუნდიალზე ბრუნდება (+VIDEO)

32-ე გუნდი, რომელმაც მსოფლიოს 2018 წლის ჩემპიონატის საგზური მოიპოვა, პერუს ეროვნული ნაკრებია. პერუელებმა ახალ ზელანდიასთან სტუმრად უგოლოდ დასრულებული პირველი მატჩის შემდეგ, ლიმაში ჯეფერსონ ფარფანისა და კრისტიან რამოსის გოლებით 2:0 მოიგეს და 36-წლიანი პაუზის შემდეგ მუნდიალზე იასპარეზებენ. პერუს ნაკრებმა ბოლოს მსოფლიოს ჩემპიონატზე 1982 წელს ესპანეთში ითამაშა.

რუსეთში გასამართი ტურნირი პერუელთათვის ისტორიაში მეოთხე მუნდიალი იქნება. ყველაზე დიდ წარმატებას პერუს ნაკრებმა 1970 წელს, მექსიკაში, მისთვის სადებიუტო მსოფლიოს ჩემპიონატზე მიაღწია, როცა მეოოთხედფინალში გავიდა.

პერუ-ახალი ზელანდიის დაპირისპირებით შესარჩევი ეტაპი დასრულდა და მსოფლიოს 2018 წლის ჩემპიონატის ყველა მონაწილე ცნობილია.

ევროპა: რუსეთი (მასპინძელი), ინგლისი, ბელგია, გერმანია, დანია, ისლანდია, ესპანეთი, პოლონეთი, პორტუგალია, სერბეთი, საფრანგეთი, ხორვატია, შვეიცარია, შვედეთი

სამხრეთ ამერიკა: არგენტინა, ბრაზილია, კოლუმბია, პერუ, ურუგვაი

კონკაკაფი: კოსტა რიკა, მექსიკა, პანამა

აზია: ავსტრალია, ირანი, საუდის არაბეთი, სამხრეთ კორეა, იაპონია

აფრიკა: ეგვიპტე, მაროკო, ნიგერია, სენეგალი, ტუნისი

0.110414