ფეხბურთი

2:00 | 31.10.2017 | ნანახია [] - ჯერ

"ინტერი" მეორე ადგილზე დაბრუნდა

მილანის “ინტერი” დიდებულად თამაშს აგრძელებს. სერია A-ს მე-11 ტურის დასკვნითი შეხვედრა “მარკ ანტონიო ბენტეგოდიზე” შედგა, სადაც “ვერონამ” “ნერაძური” მიიღო და მორიგი მარცხი განიცადა.

“ინტერნაციონალემ” კი მეორე ადგილი დაიბრუნა და მხოლოდ “ნაპოლის” ჩამორჩება 2 ქულით. “ნერაძური” პირველივე ტაიმში ბორხა ვალერომ დააწინაურა. მართალია, მერე ჯამპაოლო პაცინიმ გაათანაბრა, მაგრამ მალევე ივან პერიშიჩმა თავისიანები ისევ დააწინაურა. საბოლოოდ “ინტერმა” მოიგო.

სხვათა შორის, მილანურ გრანდს 11 ტურში 29 ქულა არასდროს მოუპოვებია. საინტერესოა, რა შედეგით დაასრულებს სეზონს სპალეტიც გუნდი... ყოველშემთხვევაში ლომბარდიელებს ფანტასტიკური და მეტიც, საოცნებო სტარტი აქვთ.

“ვერონას” საქმე კი, რთულადაა. ფაბიო პეკიას გუნდს ძალიან უჭირს ქულების დაგროვება და გონს დროზე თუ არ მოვიდა, სერია B ჰორიზონტზე რეალურად გამოჩნდება.

“ვერონა” – “ინტერი” 1:2 (0:1)

ვერონა, “ბენტეგოდი”

მაყურებელი: 15 000

“ვერონა” (4-4-2): ნიკოლასი; რომულო, ჰერტო, კარაჩოლო, სუპრაიენი; ვერდე, ბესა (ძუკულინი 64), ფოსატი, ფარეში; ჩერჩი (ლი 79), კინი (პაცინი 59)

მწვრთნელი: ფაბიო პეკია

“ინტერი” (4-2-3-1): ჰანდანოვიჩი; დ’ამბროზიო, შკრინიარი, მირანდა, ნაგატომო; ვესინო, გალიარდინი; კანდრევა (ბროჟოვიჩი 74), ბორხა ვალერო (კანსელო 79), პერიშიჩი; იკარდი (ედერი 86)

მწვრთნელი: ლუჩანო სპალეტი

გოლები: 0:1 ბორხა ვალერო (36), 1:1 პაცინი (59, პენ), 1:2 პერიშიჩი (67)

გაფრთხილება: ფარეში (38), პაცინი (89), ჰერტო (90), ლი (90) – გალიარდინი (51), ბროჟოვიჩი (90)

სტატისტიკა – კარისკენ დარტყმები: 4 (3) – 16 (7) ბურთის ფლობა: 47%-53% კუთხურები: 4:7 თამაშგარე: 0:0

მსაჯი: კლაუდიო გავილუჩი

თეგებისერია A
0.118996