გაიმართა ლიგა3-ის მორიგი ტური და როგორც წესი, ყოველთვის ვაშუქებთ: მოკლედ, მაგრამ მაინც. ლიდერი “შევარდენი” ამჯერად მოგების გარეშე დარჩა, კერძოდ, ქედის “ბეთლემთან” გასვლაზე 1:1-ს დასჯერდა და ოთხქულიანი ჰანდიკაპით ლიდერობს.

ისე, მხოლოდ სამი ტური დარჩა, გიორგი კიკნაძის გაწვრთნილ “შევარდენი” აშკარა ფავორიტია.

“თელავმა” შინ 3:0 აჯობა თასის ნახევარფინალში გასულ ხონის “იმერეთს”, ხოლო “ნორჩ დინამოს” ჩხოროწყუს “სამეგრელოსთან” გასვლაზე არ გასჭირვებია – 5:1.

ბოლო პერიოდში სულ იგებს “გარდაბანი”, ამჯერადაც 4:0 გაიმარჯვა და მეოთხე პოზიციაზეა. საეჭვოა, რომ სამეულში შევიდნენ გარდაბნელები, რადგან ჩამორჩენა ხუთი ქულაა. “მარკ სტარსმა” კი 4:0 აჯობა “ჭიათურას”. ტურის ხუთი მატჩიდან ოთხი დიდი ანგარიშით დასრულდა...

შეგახსენებთ, პირველადგილოსანი პირდაპირ გადავა ლიგა2-ში, ხოლო მეორე და მესამეზე გასულები ლიგა2-ის მერვე და მეცხრე საფეხურებზე გასულებს შეხვდებიან პლეი ოფში.

თელავი – იმერეთი (ხონი) 3:0

მარკ სტარსი (თბილისი) – ჭიათურა 4:0

სამეგრელო (ჩხოროწყუ) – ნორჩი დინამო (თბილისი) 1:5

ბეთლემი (ქედა) – შევარდენი (თბილისი) 1:1

კოლხეთი (ხობი) – გარდაბანი 0:4

მომდევნო ტური 3 ნოემბერს შედგება: შევარდენი – სამეგრელო, ნორჩი დინამო – ჭიათურა, იმერეთი – მარკ სტარსი, კოლხეთი ხობი – თელავი, გარდაბანი - ბეთლემი

შევარდენი 1906	15	10	4	1	30	10	20	34
ნორჩი დინამო	15	9	3	3	37	19	18	30
თელავი	15	9	3	3	46	14	32	30
გარდაბანი	15	7	4	4	27	14	13	25
მარკ სტარსი	15	6	2	7	28	26	2	20
იმერეთი	15	5	5	5	12	16	-4	20
ჭიათურა	15	5	2	8	12	21	-9	17
კოლხეთი ხ	15	3	4	8	9	31	-22	13
ბეთლემი	15	2	4	9	14	37	-23	10
სამეგრელო	15	1	5	9	12	39	-27	8