ფეხბურთი

0:54 | 9.10.2017 | ნანახია [] - ჯერ

ეგვიპტე და ექტორ რაულ კუპერი მუნდიალზე (+VIDEO)

ეგვიპტის ეროვნული ნაკრები მსოფლიოს ჩემპიონატზე ითამაშებს - ასეთ წარმატებას 1990 წლის შემდეგ პირველად მიაღწია. დიახ, მას შემდეგ ეგვიპტეს მუნდიალზე არ უთამაშია.

საინტერესოა, რომ ეგვიპტის ნაკრებს ჩვენთვის კარგად ნაცნობი ექტორ რაულ კუპერი წვრთნის. არგენტინელი, რომელიც საქართველოს ნაკრებს 2008-2009 წლებში ედგა სათავეში. თავის მხრივ, კუპერმა ეგვიპტის ნაკრები 2015 წელს ჩაიბარა და აგერ, არნახულ შედეგსაც მიაღწია.

ეგვიპტემ აფრიკის კონტინენტის შესარჩევი ციკლის E ჯგუფი ვადაზე, ერთი ტურით ადრე მოიგო. დღეს, კონგოს კუპერის გუნდმა 2:1 აჯობა, რითაც 12 ქულა დააგროვა მეორე ადგილზე მყოფ უგანდასთვის მიუწვდომელი გახდა.

აქვე გეტყვით, რომ ეგვიპიტის ნაკრებს აქამდე მსოფლიოს ჩემპიონატზე ორჯერ უთამაშია და ორჯერვე იტალიაში – 1934 და 1990 წლებში.

Loading...
0.132866