ფეხბურთი

22:14 | 16.09.2017 | ნანახია [] - ჯერ

6 თვის შემდეგ: თორნიკე ოქრიაშვილი გოლით დაბრუნდა! (+VIDEO)

თორნიკე ოქრიაშვილი დაბრუნდა, თორნიკე ოქრიაშვილი მოედანს გოლით დაუბრუნდა! ქართველმა ფეხბურთელმა მძიმე ტრავმა და ცუდი პერიოდი როგორც იქნა, უკან მოიტოვა და რუსეთის პრემიერლიგის მიმდინარე სეზონში პირველივე შეხვედრაში გამოიჩინა თავი.

“კრასნოდარმა” “ანჟი” 5:1 გაანადგურა, ხოლო ქართველმა ფეხბურთელმა 79-ე წუთზე მასპინძელთა რბევას წერტილი დაუსვა. ოქრიაშვილი სმოლოვის გადაცემის შემდეგ მეკარესთან პირისპირ დარჩა და მიუხედავად მახვილი კუთხისა, შეასრულა. შესრულება და ტექნიკა კი, ჩვენებურს ნამდვილად არ ეშლება... თორნიკემ 6 თვის შემდეგ პირველად ითამაშა. მოგეხსენებათ, ჩვენებურმა მძიმე ტრავმა მიმდინარე წლის 13 მარტს, “ლოკომოტივთან” შეხვედრაში მიიღო და მას მერე უქმობდა.

ოქრიაშვილმა დღეს 16 წუთი ითამაშა. “ანჟის” რიგებში ბოლო 30 წუთი გაატარა მოედანზე ჯაბა ლიპარტიამ, ხოლო გიორგი ლორია სათადარიგო სკამზე იყო.

“კრასნოდარს” 10 მატჩში 21 ქულით მეორე ადგილი უკავია, ხოლო “ანჟი” აუტსაიდერია – 7 ქულა და ბოლოსწინა, მე-15 პოზიცია.

0.179937