ფეხბურთი

19:50 | 3.06.2017 | ნანახია [] - ჯერ

ბეგლარიშვილი "ფლორას" წინ მიუძღვის, გოგუას ყაზახეთში გააქვს 

ესტონეთის ჩემპიონატში "ფლორამ" "ტამეკას" სტუმრად 2:0 მოუგო და ლიდერი გახდა. პირველი გოლი ზაქარია ბეგლარიშვილმა გაიტანა 31-ე წუთზე. ეს მისი მეშვიდე გოლია სეზონში. ზაქარია კარგ სეზონს ატარებს და ვინ იცის, წლეულს მეოთხედ გახდეს ესტონეთის ჩემპიონი.

ლატვიაში "რიგასმა" 2:0 აჯობა თამაზ პერტიას გაწვრთნილ "ლიეპაიას". "რიგასის" შემადგენლობაში სრულად ითამაშა ლაშა შერგელაშვილმა, ხოლო გიორგი დიაკვნიშვილი სატადარიგო გახლდათ, ხოლო დამარცხებულთა შორის 90 წუთი გაისარჯა გიორგი ერისთავი. "რიგასი" მეექვსეზეა, ხოლო პერტიას გუნდი - მეორეზე.

ყაზახეთში "ორდაბასიმ" "თარაზს" 3:0 აჯობა და მესამე პოზიციაზეა. ოთარ მარცვალაძე განაცხადში არ იყო (ტრავმა აქვს), ხოლო გოგიტა გოგუა მე-80 წუთზე შეიყვანეს მინდორზე და ეს დრო ეყო გოლის გასატანად. იმედია, გოგუას ამის შემდეგ მეტ სათამაშო დროს დაუთმობენ.

ლაშა დვალის "ირტიშმა" 0:0 დაასრულა მატჩი "ოკჟეპტესთან" და მეოთხე ადგილზეა. დვალმა 90 შეუცვლელად ითამაშა.

მეორე ადგილზეა კახა ცხადაძის გაწვრთნილი "ქაირათი", რომელმაც 4:1 სძლია ყარაგანდის "შახტიორს". პირველზე "ასტანაა", რომელმაც უჩა ლობჟანიძისა და ლადო დვალიშვილის "ატირაუს" 4:0 მოუგო. ქართველები სასტარტოში იყვნენ. ლობჟანიძემ მხოლოდ პირველი ტაიმი ითამაშა, ხოლო დვალიშვილი არ შეუცვლიათ.

0.115256