ფეხბურთი

11:00 | 22.01.2017 | ნანახია [] - ჯერ

ასეთებიც ხდება: მარკო ვერატიმ თავით თამაშის გამო ყვითელი ბარათი მიიღო (+VIDEO)

უცნაური რამ მოხდა საფრანგეთის ლიგა 1-ის XXI ტურში – “ნანტისა” და “პარი სენ ჟერმენის” მატჩის მთავარმა მსაჯმა იოჰან ჰამელმა სტუმართა იტალიელ ნახევარმცველ მარკო ვერატის ყვითელი ბარათი თავით თამაშის გამო უჩვენა.

შეხვედრის 30-ე წუთზე, როდესაც პსჟ ედინსონ კავანის გოლით იგებდა თამაშს, პარიზელთა კიპერმა კევინ ტრაპმა ბურთი ვერატის მიაწოდა, რომელიც საჯარიმოსთან იდგა და რომლის ირგვლივაც არავინ იმყოფებოდა. თუმცა, იტალიელმა უცნაური გადაწყვეტილება მიიღო, მინდორზე დაწვა და გერმანელ მეკარეს ბურთი რატომღაც თავით დაუგორა. ასეთი უცნაური თამაშის გამო კი, ვერატი ყვითელი ბარათით დაისაჯა.

უშუალოდ შეხვედრა საბოლოოდ პსჟ-მ კავანის დუბლით 2:0 მოიგო. ვერატის ეპიზოდი კი, ფეხბურთის გურმანთ ალბათ, კიდევ დიდხანს დაამახსოვრდებათ.

სარეკლამო ადგილი - 23
250 x 500
0.114286