სუპერლიგის დებიუტანტ ,,კაკტუსის“ ერთ-ერთი ლიდერი ამერიკელი ლეგიონერი ტერიკ ბრიჯმენი (06.07.1993, 198 სმ) სრული დატვირთვით ვარჯიშობს. ამის შესახებ worldsport.ge-ს ,,კაკტუსის“ მთავარმა მწვრთნელმა არჩილ ჟღენტმა განუცხადა.

,,ბრიჯმენმა მიმდინარე ჩემპიონატის მეორე წრის ბოლო რამდენიმე შეხვედრა გამაყუჩებლით ჩაატარა და ამის გამო თავისი შესაძლებობები ბოლომდე ვერ გამოავლინა.“- გვითხრა ჟღენტმა.

შეგახსენებთ, რომ ბრიჯმენს კოჭი ჰქონდა დაზიანებული და ამის გამო 26-ე ეროვნული ჩემპიონატში რამდენიმე შეხვედრა გამოტოვა.