ფეხბურთი

17:30 | 21.12.2016 | ნანახია 1016 - ჯერ

იმერეთის ფეხბურთის ფედერაციას დავით რუხაძე უხელმძღვანელებს

იმერეთის რეგიონული ფეხბურთის ფედერაციის პრეზიდენტი დავით რუხაძე გახდა. 53 წლის რუხაძეს კარგი საფეხბურთო ბიოგრაფია აქვს.

კარიერა ქუთაისის "ტორპედოს" დუბლებში დაიწყო და იმ დროს სსრკ-ის ასაკობრივი ნაკრების წევრიც იყო. მერე თამაშობდა "მეშახტეში", "საპოვნელაში", სამტრედიის "ლოკომოტივში". ეს საბჭოეთის დროს, ხოლო ეროვნული ჩემპიონატის საწყის წლებში ხობის "კოლხეთში" იყო, ჭიათურის "მაღაროელში", ბოლნისის "სიონშიც", მშობლიურ "ტორპედოში" კიდევ ითამაშა და საზღვარგარეთაც გამოდიოდა: უკრაინულ "დესნასა" და ეკატერინბურგის "ურალმაში" (ახლა "ურალი" რომ ჰქვია).

მწვრთნელობის პერიოდს რაც შეეხება, 1998-2010 წლებში ქუთაისის "დინამოს" ბავშვთა საფეხბურთო სკოლის მთავარი მწვრთნელი იყო და ასევე ხელმძღვანელობდა იმერეთის ნაკრებს, მერე კი 5 წლის განმავლობაში ტყიბულის "მეშახტეს" თავკაცობდა.

კონკურენტები იყვნენ იმ დროისთვის მოქმედი პრეზიდენტი ვალერი მანაგაძე და "ტორპედოს" ყოფილი კაპიტანი შოთა ოქროპირაშვილი. სხვათა შორის, რუხაძეც "ტორპედოს" ყოფილი კაპიტანია, ოღონდ უკვე ეროვნული ჩემპიონატისას.

მანაგაძემ ყრილობაზე მოხსნა საკუთარი კანდიდატურა, დარჩნენ რუხაძე და ოქროპირაშვილი, საბოლოოდ კი რუხაძემ გაიმარჯვა.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
19:20 | 21.12.2016
vasilich (1440)

დოუბრუნდა აბა მანაგაძე შვილიშვილებს?

სარეკლამო ადგილი - 20
250 x 188
სარეკლამო ადგილი - 22
250 x 250
0.068773