ფეხბურთი

13:50 | 1.12.2016 | ნანახია [] - ჯერ

ენცო ზიდანის სადებიუტო გოლი და ამაყი ზინედინი (VIDEO)

ესპანეთის თასის 1/16-ფინალურ მატჩში მადრიდის “რეალის” ძირითადი გუნდის რიგებში სადებიუტო გოლი გაიტანა ზინედინ ზიდანის ვაჟმა ენცომ. 21 წლის ფეხბურთელი “ლეონესასთან” დაპირისპირებაში მამამ მოედანზე მეორე ტაიმში გაიყვანა და შვილმაც ნდობა გოლით დაუფასა. ენცომ 63-ე წუთზე ანგარიში 4:1 გახადა, საბოლოოდ კი მადრიდელებმა 6:1 მოიგეს.

მატჩის შემდეგ ზინედინმა აღნიშნა, რომ თავს ორმაგად ბედნიერად გრძნობს, როგორც მამა და როგორც მწვრთნელი.

“ჩემი შვილის გოლით ბედნიერი ვარ, როგორც მამა და როგორც მწვრთნელი. ენცოს თამაშში ჩართვის წინ რამდენიმე სიტყვა ვუთხარი, რასაც ამ დროს მწვრთნელები ფეხბურთელებს ეუბნებიან, პირადი არაფერი” - განაცხადა მადრიდელთა თავკაცმა.

ენცომ კი დასძინა, რომ ამ მატჩში მისი ოცნება ახდა, თუმცა იქვე დაამატა, ეს დასაწყისია და ბევრს ვიმუშავებ უფრო ხშირად რომ მომეცეს შანსიო.

სტატისტიკა
0.355134