ფეხბურთი

2:06 | 22.10.2016 | ნანახია [] - ჯერ

"ჰამბურგი" ანტირეკორდებს ამყარებს

გერმანიის ბუნდესლიგის მერვე ტურმა სტარტი ჰამბურგში აიღო და როგორც მოსალოდნელი იყო, იქაურმა გუნდმა მორიგი უსახური თამაში ჩაატარა. მარკუს გისდოლის გუნდი საშინლად თამაშობს და ასე თუ გააგრძელებს ბუნდესლიგისთვის ხელის დაქნევა მოუწევს.

“ვოლკპარკშტადიონზე” ამჯერად ფრანკფურტის “აინტრახტმა” გაილაღა, რომელიც კარგ სეზონს ატარებს და მეოთხე ადგილზეა. სხვათა შორის, “ჰამბურგს” 8 ტურში 2 ქულა აქვს და ამდენივე გოლი გატანილი – რა გასაკვირია, დღესაც ერთ დრო ამბიციურ გუნდს მეტოქის კარის ჩარჩოში არ დაურტყამს და გოლი ამის გარეშე არ გადის... აღსანიშნავია, რომ 2014 წლის სექტემბრის მერე, “ჰამბურგისთვის” ეს იყო პირველი თამაში, რომელშიც კარში ვერ დაარტყა – თუმცა, მაშინ მეტოქე “ბაიერნი” იყო.

ამასთან, 1969 წლის მერე საკუთარ მოედანზე “აინტრახტისგან” პირველად გაუშვა 2 გოლზე მეტი. ხოლო, ისტორიაში ასეთი ცუდი სტარტი “ჰამბურგს” არ ჰქონია – 8 ტურში ოდენ 2 ქულა...

“ჰამბურგი” – “აინტრახტი” 0:3 (0:1)

ჰამბურგი, “ვოლკპარკშტადიონი”

მაყურებელი: 52 258

“ჰამბურგი” (4-2-3-1): ადლერი; დიკმაიერი, ეკდალი, სპაჰიჩი (ვალდშმიდტი 55)), სანტოსი; იუნგი, ჰოლტბი; კოსტიჩი (საკაი 72)), ჰალილოვიჩი (ვუდი 46), მიულერი; ლასოგა

მწვრთნელი: გისდოლი

“აინტრახტი” (4-2-3-1): ჰრადეცკი; ჩანდლერი, აბრაჰამი, ვალეჟო, ოცზიპკა (ტავატა 82); მასკარელი, ჰასებე; ფაბიანი, გაჩინოვიჩი, ტარაშაი (სეფეროვიჩი 61); ჰრგოტა (მეიერი 76)

მწვრთნელი: კოვაჩი

გოლები: 0:1 ჰოლტბი (35, ა.გ), 0:2 ტარაშაი (60), 0:3 სეფეროვიჩი (69)

გაფრთხილება: დიკმაიერი (36, 57) – გაჩინოვიჩი (25), ოცზიპკა (30), ჩანდლერი (59), ფაბიანი (82)

გაძევება: დიკმაიერი (57)

სტატისტიკა – კარისკენ დარტყმები: 3 (0) – 13 (4) ბურთის ფლობა: 44%-56% კუთხურები: 0:2 თამაშგარე: 4:2

მსაჯი: პერლი

თეგებიბუნდესლიგა
0.160713