ბექა ღვინიაშვილი რიო დე ჟანეიროში მიმდინარე ოლიმპიადაზე წარმატებულ სვლას განაგრძობს. 100 კგ წონით კატეგორიაში მოასპარეზე ქართველმა ძიუდოისტმა მერვედფინალური ეტაპიც ყოველგვარი გართულებების გარეშე დაძლია. ბექა ბელგიელ ტომა ნიკიფიროვთან დაპირისპირებაში სრულ უპირატესობას ფლობდა, მეტოქეს ჯერ იუკო აუღო, რასაც ორი ვაზარი მოაყოლა და მეოთხედფინალში გავიდა, სადაც მისი მეტოქე ფრანგი სირილ მარე იქნება.