ფოთში მიმდინარე საქართველოს ჩემპიონატში 14-წლამდე ასაკის მოჭადრაკეთა შორის, ოთხი ტურის თავზე, ქულათა მაქსიმუმით ნოე თუთისანი და მარიამ ჭოლაძე დაწინაურდნენ.
გოგონათა შორის, ლიდერს ნახევარი ქულით ჩამორჩება ადა ქაქუთია. 3 ქულით, III-IV ადგილებს დები ხომერიკები - ნინო და ქეთევანი ინაწილებენ. ჭაბუკთა შორის, 3.5 ქულით, II-III  ადგილებზე გიორგი სიბაშვილი და ნიკა ღვამბერია იმყოფებიან.