ფეხბურთი

13:31 | 1.06.2016 | ნანახია [] - ჯერ

როჟერიო სენი ბრაზილიის ნაკრებს შეუერთდა

"სან პაულოს" ყოფილი მეკარე და გოლკიპერთა შორის გატანილი გოლების მიხედვით გინესის რეკორდსმენი როჟერიო სენი ბრაზილიის ეროვნულ ნაკრებს ლოს ანჯელესში შეუერთდა. ბრაზილიის ფეხბურთის კონფედერაციის ოფიციალური ვებგვერდის ინფორმაციით, სენი კარლოს დუნგას სამწვრთნელო შტაბში იმუშავებს.

"ვიმედოვნებ, ნაკრებში ბევრ რამეს ვისწავლი და ამიტომაც ვარ აქ. ასევე ვიმედოვნებ, რომ გუნდს დახმარებას გავუწევ. კოპა ამერიკაზე ბრაზილიისგან ყველა მოგებას ელის, თუმცა ამის გაკეთება საკმაოდ რთული იქნება." - ციტირებს UOL-ი სენის სიტყვებს.

როჯერიომ საფეხბურთო კარიერა 2015 წელს დაასრულა. "სან პაულოს" რიგებში მეკარემ 131 გოლი გაიტანა, რაც სარეკორდოა აღნიშნულ პოზიციაზე მოთამაშეთა შორის.

0.121435