ფეხბურთი

17:08 | 24.04.2016 | ნანახია [] - ჯერ

ვლადიმირ ვაისი და "ელ მანდარინო"

ეს ფოტო ქობულეთის "ჩელე არენაზეა" გადაღებული. "შუქურას" პრეზიდენტი რევაზ ჩელებაძე, საქართველოს ეროვნული ნაკრების მწვრთნელი ვლადიმირ ვაისი და ბათუმის "დინამოს" დირექტორი ოთარ ფედიჩკინი. აჭარულ დერბის (2:2) სლოვაკი მწვრთნელის გარდა, საქართველოს ფეხბურთის ფედერაციის გენერალური მდივანი დავით მუჯირიც დაესწრო.

ფოტოს მიხედვით, თამაშს "ელ მანდარინო" დაარქვეს. აბა, "ელ კლასიკოს" რას შევედრებით და იყოს "ელ მანდარინო", ცუდად ჟღერს?!

"კარგია, რომ ვაისი ჩამოვიდა, ეს ფეხბურთელთა მოტივაციაზეც აისახა, აშკარად უფრო მონდომებულები იყვნენ. ისე, ვაისმა ყველაფერი იცოდა ბათუმის "დინამოზე", როდის დაარსდა კლუბი, ზოგადად რა შედეგები ჰქონდა საბჭოეთის დროს და ასევე, საქართველოს ჩემპიონატსა და თასზე. ნანახი ჰქონდა ბათუმის სტადიონის მაკეტი, იკითხა, როდის მთავრდება ბაზის მშენებლობა" - უთხრა "მსოფლიო სპორტს" ფედიჩკინმა.

ბათუმში ბაზის მშენებლობა მიმდინარეობს და სრულად მზად იქნება წლის ბოლოს, ხოლო რაც შეეხება სტადიონს, აპრილის ბოლოს პროექტიოს ტენდერი დამთავრდება და სამშენებლო ტენდერი გამოცხადდება, ივნის-ივლისში კი მშენებლობას დაიწყებენ. ბათუმის სტადიონი 2018 წელს იქნება მზად. ესეც ფედიჩკინის ინფორმაციით.

"ვაისს მოვუყევი, თუ როგორ წვალობს გუნდი სტადიონის არქონის გამო. ქობულეთში დავდივართ სავარჯიშოდ და ყოველდღიურად 50 კილომეტრზე მგზავრობა გვიწევს. ხშირად საცობებია და ლამის საათნახევარი გზაში ვართY".

სეზონი სრულდება, ორივე აჭარული კლუბი ცხრილის შუაშია: ბათუმელები მეშვიდეზე, ხოლო ქობულეთელები - მეცხრეზე.

0.120217