ფეხბურთი

19:23 | 22.04.2016 | ნანახია [] - ჯერ

“ატლეტიკომ” გოდინის გარეშე ივარჯიშა

მადრიდის “ატლეტიკომ” გუშინდელი ვარჯიში ერთ-ერთი ლიდერის დიეგო გოდინის გარეშე გამართა.

ურუგვაელმა მცველმა ოთხშაბათს “ბილბაოსთან” გასვლაზე მოგებული (1:0) მატჩის მე-10 წუთზე ტრავმა მიიღო და შესაცვლელი შეიქნა. დიეგო შაბათს “მალაგასთან” გასამართ შეხვედრას გამოტოვებს, ხოლო ოთხშაბათს “ბაიერნთან” მისი თამაში საეჭვოა.

“ატლეტიკოს” მეორე ურუგვაელი ცენტრალური მცველი ხოსე მარია ხიმენესიც ტრავმირებული ჰყავს და დიეგო სიმეონეს აღნიშნულ პოზიციაზე მხოლოდ ორი ჯანმრთელი მოთამაშე დარჩა: ახალგაზრდა ლუკას ერნანდესი და სტეფან სავიჩი, რომელმაც ასევე ახლახანს დატოვა ლაზარეთი.

გოდინმა მიმდინარე სეზონში ყველა ტურნირზე 43 შეხვედრა ჩაატარა, 1 გოლი გაიტანა და 2-ჯერ გუნდელებს გაატანინა.

0.116109