ტურინის “იუვენტუსს” 2015 წლის იტალიის საუკეთესო ახალგაზრდა ფეხბურთელი დანიელე რუგანი არ ეთმობა. გამოცემა “ტუტოსპორტის” ცნობით, “იუვემ” “ნაპოლის” შემოთავაზება უარყო, რომელიც მზად იყო 21 წლის მცველში 25 მილიონი ევრო გაეღო. ნეაპოლიტანელთა მთავარ მწვრთნელ მაურიციო სარის რუგანი ძალიან მოსწონს. ისინი ერთად ჯერ კიდევ მოკრძალებულ “ემპოლიში” მუშაობდნენ.

რუგანი “ბებერ ქალბატონს” გასულ ზაფხულს შეუერთდა, მაგრამ გუნდის ძირითად შემადგენლობაში ფაქტობრივად ვერ ხვდება. აქამდე მან ტურინელთა მაისურით მხოლოდ სამი თამაში ჩაატარა. მიუხედავად ამისა, როგორც ჩანს, “იუვეს” ნიჭიერი ფეხბურთელის ეიმედება და გასხვისებას არ უპირებს.