ინგლისური “მანჩესტერ სიტი” მზადაა ლიონელ მესის კვირაში ხელფასის სახით არც მეტი, არც ნაკლები 1 მილიონი ევრო გადაუხადოს. აღნიშნულ ინფორმაციას ბრიტანული გამოცემა “სანი” ავრცელებს. თუ ინგლისელ ჟურნალისტებს დავუჯერებთ, “სიტის” ხელმძღვანელობა ლიონელის სანაცვლოდ “ბარსელონას” 170 მილიონ ევროს სთავაზობს, ხოლო თავად ფეხბურთელს სეზონში 57 მილიონ ევროს ჰპირდება.

რამდენად მართალია ეს ინფორმაცია ამას დრო გავჩვენებს, მაგრამ ამჟამად ფაქტი მხოლოდ ისაა, რომ არგენტინელს “ბარსასთან” კონტრაქტი აკავშირებს, რომელსაც ყავლი 2018 წლის ივნისში გასდის.