საქართველოს ეროვნული ნაკრების მეკარე ნუკრი რევიშვილი გიბრალტართან მოგებული მატჩის (4:0) შემდეგ ჟურნალისტებს შეხვდა და აღნიშნულ შეხვედრაზე ისაუბრა.

ნუკრი ასევე გერმანიასთან გასამართ დაპირისპირებასაც შეეხო და აღნიშნა, რომ ყველანი ძალიან მოტივირებულნი არიან.

- შეაფასეთ თამაში

- ჩვენთან უკვე ყალიბდება სისტემა, რომლითაც უნდა ვითამაშოთ დალაგებული ფეხბურთი, რასაც კახა ითხოვს და გიბრალტარიც ამ სისტემამ დაამარცხა. ყველაზე კარგი ისაა, რომ საკმაოდ ლამაზი ფეხბურთით შევძელით გამარჯვების მოპოვება.

- რა განწყობით ხვდებით გერმანიასთან მატჩს?

- გერმანიასთან განწყობაზე ზედმეტია საუბარი. თავისთავად, ყველანი ძალიან მოტივირებულნი ვართ. ყველასთვის საინტერესოა ასეთი თამაში.

- რატომ არ იყავი ბოლო მატჩებში “მორდოვიას” ძირითადში?

- ასეთი რაღაცეები ხდება ხოლმე. “ცსკასთან” 6:4 წავაგეთ და მწვრთნელმა დასვენების საშუალება მომცა.