ტურინის “იუვენტუსის” 19 წლის ფრანგი შემტევი კინგსლი კომანი კარიერას მიუნხენის “ბაიერნში” გაგარძელებს. ამის შესახებ ტურინული გუნდის ვებგვერდი იტყობინება. კომანი მიუნხენში იჯარით ითამაშებს, რომლის ღირებულებაც 5 მილიონ ევროს შეადგენს, ხოლო ერთი წლის შემდეგ გერმანელებს ფეხბურთელის გამოსყიდვა 21 მილიონი ევრო დაუჯდებათ.

კომანი ტურინში 2014 წელს პსჟ-დან გადაბარგდა. მაშინ “იუვემ” ნიჭიერი ფეხბურთელი ხელში უფასოდ ჩაიგდო. კომანმა მიმდინარე სეზონში “იუვენტუსის” მიერ ჩატარებულ ორივე მატჩი ითამაშა და ორივეჯერ სასტარტო შემადგენლობაში იყო.