ინგლისის პრემიერლიგის ბინადარმა "ვესტ ჰემმა" გენუის "სამპდორიას" 23 წლის ნახევარმცველი პედრო ობიანგი დაიმატა. ეს ინფორმაცია ლონდონური გუნდის ოფიციალურმა ვებგვერდმაც დაადასტურა.

ესპანელი ფეხბურთელი "სამპდორიაში" 2008 წლიდან მოყოლებული თამაშობდა და იტალიის სერია A-ში ჩატარებულ 99 მატჩში 4 გოლის გატანა მოახერხა. გასულ სეზონში კი იგი მოედანზე 34 შეხვედრაში გავიდა და მეტოქეები 3-ჯერ დაამწუხრა.