“ბარნლის” თავდამსხმელი დენი ინგსი კარიერას “ლივერპულში” განაგრძობს. ტრანსფერი მერსისაიდული კლუბის ოფიციალურმა ვებგვერდმა დაადასტურა.

22 წლის ფეხბურთელი “ლივერპულს” 1 ივლისს თავისუფალი აგენტის სტატუსით შეუერთდება. თუმცა, იმის გამო, რომ ინგსი “ბარნლის” აღზრდილია, “წითლებს” მაინც მოუწევთ გარკვეული თანხის გაღება.

დენიმ დასრულებულ პრემიერლიგაში 35 მატჩი ჩაატარა, 11 გოლი გაიტანა და 4 საგოლე გადაცემა მიითვალა.

მისი შეძენა “ტოტენჰემსა” და “სოსიედადს” სურდათ, თუმცა ახალგაზრდა ფორვარდის არჩევანი “ლივერპულის” სასარგებლოდ გადაწყდა.

შეგახსენებთ, რომ ინგსი “წითლების” მეორე საზაფხულო შენაძენია. მერსისაიდელებმა რამდენიმე დღის წინ, ჯეიმს მილნერი გაიფორმეს.