“მანჩესტერ იუნაიტედის” გულშემატკივრებმა მარტის თვის საუკეთესო ფეხბურთელად ესპანელი შემტევი ნახევარმცველი ხუან მატა მიიჩნიეს. გასულ თვეში “წითელმა ეშმაკებმა” პრემიერლიგაში სამი შეხვედრა მოიგეს, ხოლო ასოციაციის თასზე “არსენალთან” “ოლდ ტრაფორდზე” დამარცხდნენ (1:2).

მატამ მხოლოდ ინგლისის ჩემპიონატის მატჩებში მიიღო მონაწილეობა და “ლივერპულთან” “ენფილდზე” მოგებულ შეხვედრაში დუბლიც გაიფორმა. დანარჩენ შეხვედრებში ესპანელს თავი არ გამოუჩენია.

პრემიერლიგის მიმდინარე სეზონში მატამ 27 მატჩი ჩაატარა, გაიტანა 8 გოლი და 3 საგოლე გადაცემა შეასრულა.