ლონდონის “ჩელსის” მთავარი მწვრთნელი ჟოზე მოურინიო მოვალ სატრანსფერო პერიოდზე ალაპარაკდა. პორტუგალიელი სპეციალისტის განცხადებით, კლუბს წყნარი ზაფხული ექნება.

“ჩვენი მომავალი სატრანსფერო პოლიტიკა აქტიურობას არ საჭიროებს. მოგვწონს ჩვენი შემადგენლობა, ყველა ფეხბურთელი და რაც მთავარია ახალგაზრდული შემადგენლობა გვყავს. ზაფხული წყნარი იქნება და მომავალში ვნახავთ შედეგს ფეხბურთელების და იმ კაპიტალს, რომელსაც ნაყიდ ფეხბურთელებში დავაბანდებთ.” – განაცხადა მოურინიომ.

პორტუგალიელი სპეციალისტის გუნდის საშუალო ასაკი 26.1 წელია. გასული წლის ზაფხულში მოურინიომ გუნდი საგრძნობლად გააძლიერა და შემადგენლობას დაამატა ისეთი ფეხბურთელები როგორებიც არიან: დიეგო კოშტა, ფელიპე ლუისი, სესკ ფაბრეგასი, სამაგიეროდ ზამთარში გუნდიდან ანდრე შურლე და მოჰამედ სალაჰი გაუშვა, ხოლო ხუან კუადრადო “ფიორენტინადან” დაიმატა.