კატალონიის “ბარსელონას” ხელმძღვანელობის გადაწყვეტილებით, “ბლაუგრანას” საწვრთნელი ბაზის “სიუტატ ესპორტივას” ნომერ პირველ სავარჯიშო მოედანს ტიტო ვილანოვას სახელი დაერქვა.
“ამიერიდან მომავალი თაობები, რომლებიც აქ სავარჯიშოდ მოვლენ, უნდა იცოდნენ ვინ იყო ტიტო ვილანოვა.” – განაცხადა გახსის ცერემონიალზე “ბარსელონას” პრეზიდენტმა ხოსეპ მარია ბართომეუმ.
ესპანელი სპეციალისტი გასული წლის აპრილში კიბოთი გარდაიცვალა. ვილანოვა პეპ გვარდიოლას ოთხი წარმატებული წლის განმავლობაში ასისტენტობას უწევდა, ხოლო 2012/13 წლებში მთავარ გუნდს ხელმძღვანელობდა და “ბარსელონამ” იმ სეზონში ლა ლიგა 100 ქულით დაასრულა.
