მუხლზე გადატანილი ოპერაციის შემდეგ, გოგიტა გოგუას რეაბილიტაცია არ დასრულებულა. რუსეთის საფეხბურთო ნაციონალური ლიგის (პირველი დივიზიონის) მე-3 ტურში ხაბაროვსკის “სკა-ენერგიამ” “სახალინთან” 1:1 ითამაშა. გოგუა მოედანზე 70-ე წუთზე შევიდა და 86-ე წუთზე შეცვალეს.

ხაბაროვსკელთა გენერალური დირექტორის სერგეი ფელდმანის თქმით, ქართველს ტრავმის რეციდივს არ უჩივის. უბრალოდ, მან შეამოწმა ფეხი რა მდგომარეობაში აქვს და ვინაიდან კიდევ აწუხებს, მოედანი 15 წუთის მერე დატოვა.

“სკა-ენერგიაში” გოლი 45-ე წუთზე კახა ალადაშვილმა გაიტანა, რომელმაც სრულად ითამაშა. შარშან შემოდგომაზე “სახალინში” გოჩა ხოჯავა თამაშობდა, რომელიც გუნდთან ერთად აღარაა. რაც შეეხება გიორგი კახელიშვილს, ეს უკანასკნელი სახალინელებს სავიზო პრობლემების მოგვარების შემდეგ შეუერთდება.