სუპერლიგის მონაწილე “ბათუმის” ფორვარდმა ლევან ელიაძემ ქორქია-საკანდელიძის მემორიალის ჯგუფურ ეტაპზე ფეხის ტრავმის გამო ვერ ითამაშა.
ამის შესახებ “მსოფლიო სპორტს” “ბათუმის” მთავარი მწვრთნელის მოვალეობის შემსრულებელმა ლაშა ოჩხიკიძემ განუცხადა.
“ელიაძემ ერთ-ერთ მატჩში ბარძაყის კუნთი დაიჭიმა და მემირიალზე თამაში ამის გამო ვერ შეძლო. აღნიშნულიდან გამომდინარე, მემორიალზე შესუსტებული შემადგენლობით მოგვიწია თამაში. სავარაუდოდ, ელიაძე ვარჯიშს ამ კვირის ბოლოს განაახლებს,” – გვითხრა ოჩხიკიძემ.
შეგახსენებთ, რომ ელიაძემ ქორქია-საკანდელიძის მემორიალის ჯგუფურ ეტაპზე “დინამოსთან” და “მგზავრები არმიასთან” ერთად 4 ქულა დააგროვა და II-IV ადგილები გაიყო. რაც შეეხება ჯგუფის გამარჯვებულს, “შსს აკადემია” გახდა, რომელიც ფინალში იასპარეზებს.
