ჩოგბურთი

20:31 | 30.08.2019 | ნანახია [] - ჯერ

შაფათავა ფინალში ითამაშებს

ქართველი ჩოგბურთელი სოფო შაფათავა ყაზახეთის ქალაქ ალმათიში მიმდინარე საერთაშორისო ტურნირის (საპრიზო ფონდი 25 ათასი) წყვილთა თანრიგის ფინალში გავიდა და ხვალ, ტიტულისთვის იბრძოლებს.

შაფათავა და ყირგიზი კსენია პალკინა შეჯიბრში მე-3 განთესვით ჩაებნენ და საწყის რაუნდში ყაზახურ-რუსული დუეტი (ჩურშინა-მიხაილოვა) 6:0, 6:2 დაამარცხეს, მეოთხედფინალში რუსებს (კოლესნიკოვა-ვაინბერგი) 6:2, 6:1 სძლიეს, ნახევარფინალში კი პირველი რეიტინგის მქონე უზბეკებს (აბდურაიმოვა-ანანმურადოვა) 7:6 (7:5), 7:6 (7:3) მოუგეს.
გადამწუვეტ შეხვედრაში შაფათავა და პალკინა სერბ ჩუროვიჩსა და რუს სილიჩს გაეჯიბრებიან, რომლებიც მე-4 განთესვითჱირჯებიან.
ერთეულთა ბადის მე-2 წრეში მე-4 რეიტინგით მოთამაშე შაფათავა თურქ ზეინეპ სონმეზს ვერ გაუმკლავდა – 4:6, 4:6.
ქართველ ჩოგბურთელთა გარეშე გაგრძელდება ბათუმში მიმდინარე 15-ათასიანი ტურნირი. ერთეულთა ბადეში 4 მასპინძელი მოხვდა, რომელთაგან ერთადერთი მატჩი მხოლოდ ზოზია ქარდავამ მოიგო. წყვილებში თამარ გაგოშიძე და ნინო ნაცვლიშვილი ნახევარფინალში დამარცხდნენ.
ჰოლანდიურ ჰარენში მიმდინარე 15-ათასიან შეჯიბრს მეოთხედფინალში გამოეთიშა ალექსანდრე მეტრეველი, რომელმაც მე-5 ნომრად განთესილ გერმანელ მარვინ ნეტუშილთან 3:6, 2:6 წააგო. წყვილებში სანდრო პირველივე რაუნდში დამარცხდა.

0.164896