ესპანელმა ფეხბურთელებმა - 27 წლის შემტევმა ფრან კარბიამ და 26 წლის მცველმა სერხიო ნოჩემ თბილისის "დინამოსთან" არსებული ხელშეკრულება ურთიერთშეთანხმების საფუძველზე შეწყვიტეს და გუნდს დაემშვიდობნენ. ამ ინფორმაციას დინამოელთა პრესსამსახური ავრცელებს.

ასევე ირკვევა, რომ "დინამოს" გოლკიპერის სტეპან სიკაჩის ოპერაციამ, რომელიც ფეხბურთელს ანკარაში გაუკეთეს, წარმატებით ჩაიარა. მეკარე თბილისში რამდენიმე დღეში დაბრუნდება და რეაბილიტაციის პროცესს დაიწყებს.