ქართველ ჩოგბურთელ ალექსანდრე მეტრეველს ყაზახეთის ქალაქ შიმკენტში დასრულებული ტურნირის (საპრიზო ფონდი 25 ათასი დოლარი) მოგებამდე ერთი ნაბიჯი დააკლდა.

წყვილთა შეჯიბრის ფინალურ მატჩში მეტრეველი და რუსი მარკოს კალოველონისი, რომელთაც მე-2 განთესვა გააჩნდათ, პირველი რეიტინგის მქონე მეტოქეებთან დამარცხდნენ. უზბეკი სანჯარ ფაიზიევის და ბელარუსი ანდრეი ვასილევსკის უპირატესობა აშკარა იყო და მათ 6:2, 6:4 იმარჯვეს.