ბექა ღვინიაშვილის მიერ სამსუნის გრან პრის მოგების შემდეგ, საქართველოს ძიუდოისტთა ნაკრების წევრები განახლებულ საოლიმპიადე რეიტინგში შვიდივე წონაში საკვალიფიკაციო ზონაში იმყოფებიან.

შედეგად, ქართული გუნდი ახლოსაა ტრადიციის გაგრძელებასთან, რაც ოლიმპიადაზე სრული შემადგენლობით გამგზავრებას გულისხმობს.

4 აპრილის მონაცემებით, ოლიმპიურ რეიტინგში ასეთი ვითარებაა (სიაში მოცემულნი არიან ის ქართველი ძიუდოისტები, რომლებიც ოლიმპიადაზე გასამგზავრებელ ზონაში ხვდებიან):

60 კგ.

1. ამირან პაპინაშვილი – 1468 ქულა
2. ლუხუმ ჩხვიმიანი – 418

66 კგ.

1. ვაჟა მარგველაშვილი – 812

73 კგ.

1. ნუგზარ ტატალაშვილი – 1400
2. ლაშა შავდათუაშვილი – 1125

81 კგ.

1. ავთანდილ ჭრიკიშვილი – 2310
2. უშანგი მარგიანი – 602

90 კგ.

1. ვარლამ ლიპარტელიანი – 1792
2. ბექა ღვინიაშვილი – 990

100 კგ.

1. ბექა ღვინიაშვილი – 720

+100 კგ.

1. ადამ ოქრუაშვილი – 1100
2. ლევან მატიაშვილი – 1074

ქალთა შორის 70 კგ-მდე წონით კატეგორიაში ესტერ სტამს 695 ქულა აქვს და ამ დროისთვის, კონტინენტურ კვოტაში ხვდება.

საქართველოს ძიუდოს ფედერაციის პრეს-სამსახურის ცნობით, 31 მაისს ოლიმპიური რეიტინგი ოფიციალურად იხურება და საბოლოო სახეს მიიღებს, იქამდე კი კიდევ 4 სალიცენზიო ტურნირია დარჩენილი:

21-24 აპრილი

ევროპის ჩემპიონატი, ყაზანი (რუსეთი)

6-8 მაისი

გრან სლემი, ბაქო (აზერბაიჯანი)

13-15 მაისი

გრან პრი, ალმატი (ყაზახეთი)

27-29 მაისი

მასტერსი, გვადალახარა (მექსიკა)