აზერბაიჯანის პრემიერლიგის 33-ე ტურში ბაქოს "ინტერმა" 4:0 დაამარცხა ბაქოს "ნეფთჩი." კახა ცხადაძის გუნდის სასტარტო შემადგენლობაში ალექსანდრე ამისულაშვილი, ლაშა სალუქვაძე და ბაჩანა ცხადაძე მოხვდნენ. 45-ე წუთზე ანგარიში ცხადაძემ გახსნა, მან 56-ე წუთზე დუბლი შეასრულა. აღსანიშნავია, რომ მეორე ტაიმში მსაჯმა წითელი ბარათი ორივე გუნდის თითო-თითო ფეხბურთელს უჩვენა. აზერბაიჯანის 10 გუნდიან პრემიერლიგაში "ინტერი" 59 ქულით მეორე ადგილზეა.

ფინეთის ვეიკაუსლიგის მე-6 ტურში "კუპსმა" შინ 1:0 დაამარცხა "ჰიკი." მასპინძელთა შემადგენლობაში ირაკლი სირბილაძემ სრულად ითამაშა. ფინეთის 12 გუნდიან ჩემპიონატში "კუპსი" 10 ქულით მეოთხე ადგილზეა.

ფინეთის ვეიკაუსლიგაში "მარიენჰამნიმ" შინ 2:1 "კტპ." "კტპ-ს" განაცხადში მოხვდა გიორგი ოსიტაშვილი, რომელიც 64-ე წუთზე ჩაერთო თამაშში. "კტპ" 5 ქულით მერვე ადგილზეა.

რუსეთის პრემიერლიგის 27-ე ტურში "რუბინმა" შინ 1:0 დაამარცხა "ყუბანი." ყაზანელთა შემადგენლობაში სოლომონ კვირველიამ სრულად ითამაშა, მამუკა კობახიძე კი სათადარიგო იყო. 24-ე წუთზე კვირკველიამ ყვითელი ბარათი მიიღო. რუსეთის 16 გუნდიან პრემიერლიგაში "რუბინი" 47 ქულით მეხუთე ადგილზეა.

ესტონეთის ჩემპიონატის მე-10 ტურში "კალევმა" სტუმრად 5:0 დაამარცხა "ტარტუ." გამარჯვებულთა შემადგენლობაში იგორ ჩემინავამ სრულად ითამაშა. ესტონეთის 10 გუნდიან ჩემპიონატში "კალევი" 19 ქულით მესამე ადგილზეა.