მოჭადრაკე ვაჟთა დიდ საერთაშორისო ტურნირზე, რომელსაც ქალაქი სენტ-ლუისი მასპინძლობს, მეხუთე ტურის პარტიები გათამაშდა.გამორჩეულ ინტერესს იწვევდა პარტიები სატურნირო ცხრილის სათავეში მყოფ ტოპალოვისა და არონიანის მონაწილეობით, რომლებიც თეთრებით შესაბამისად გრიშუკსა და კარუანას ეთამაშებოდნენ. არონიანმა ყაიმი გააკეთა და ერთ-ერთი ლიდერის ადგილი შეინარჩუნა. რაც შეეხება ტოპალოვს, იგი დამარცხდა და ლიდერთა ორეულში მისი ადგილი კარლსენმა დაიკავა. მსოფლიოს მოქმედმა ჩემპიონმა ამჯერად სოს დააყრევინა ფარ-ხმალი.

ჩემპიონისგან განსხვავებით, ძალიან ცუდად თამაშობს როგორც ვიცე, ისე ექს-ჩემპიონი ანანდი. მან ზედიზედ ორი წაგების შემდეგ სამი ყაიმი გააკეთა და მსოფლიოს ნომერ მეორე მოჭადრაკე 1,5 ქულით სოსთან ერთად ერთ-ერთი აუტსაიდერია.

მეხუთე ტურის ტექნიკური შედეგები

არონიანი- გრიშუკი 0,5-0,5

კარლსენი-სო 1-0

ნაკამურა-გირი 0,5-0,5

ანანდი- ვაშიე-ლაგრავი 0,5-0,5

ტოპალოვი -კარუანა 0-1

ტურნირზე 28 აგვისტო დასვენების დღეა. მომდევნო მეექვსე ტურის პარტიები 29 აგვისტოს გაიმართება.

მეექვსე ტურის შეხვედრათა განრიგი

გრიშუკი-კარუანა

ვაშიე-ლაგრავი-ტოპალოვი

გირი-ანანდი

სო-ნაკამურა

არონიანი-კარლსენი

სატურნირო მდგომარეობა 5 ტურის შემდეგ

1-2. კარლსენი-არონიანი - 3,5-3,5 ქულა

3-4. ტოპალოვი-გირი - 3-3

5-6. ვაშიე-ლაგრავი-ნაკამურა - 2,5-2,5

7-8. გრიშუკი-კარუანა - 2-2

9-10. სო-ანანდი - 1,5-1,5