ვეტერანი ფრანგი თავდამსხმელი ოლივიე ჟირუ სავარაუდოდ კარიერას MLS-ში გააგრძელებს.
იტალიური მედიის ცნობით, 37 წლის ფეხბურთელმა „ლოს ანჯელესთან“ შეთანხმებას მიაღწია, რომელსაც ზაფხულში შეუერთდება და 18-თვიან კონტრაქტს გააფორმებს.
ოლივიე ჟირუ 2021 წლიდან „მილანში“ თამაშობს, რომლის რიგებში 121 შეხვედრაში 46 გოლი აქვს გატანილი. ფრანგი მანამდე „მონპელიეში“, „არსენალსა“ და „ჩელსიში“ თამაშობდა.
